Die Republikaner | |
---|---|
Parteivorsitzr | Johann Gärtner |
Stellvertretende Vorsitzende | André Maniera Heiko Müller Brigitte Wagner |
Bundesschatzmeischter | Ralf Goertz |
Gründig | 26. Novämber 1983 |
Gründigsort | Minche |
Uusrichtig | Rächtspopulismus Nationalkonservatismus Nationalismus EU-Skepsis |
Farb(e) | blau[2] |
Bundestagsmandat | keine |
Staatligi Zueschüss | 1.337.163,79 € (2010)[3] |
Mitgliiderzahl | ca. 5.500 (Stand: 2011)[1] |
Mindeschtalter | 16 Jahre[4] |
Websiite | www.rep.de |
Die Republikaner (REP) sin e Ändi 1983 z Minche vu ehmolige Mitglider vu dr CSU grindeti dytschi Bartei. Si verstehn sich sälber as rächtskonservativ[5] un bezaichne sich au as Demokratischi Rächti.[6]
Ab 1992 sin si vum Bundesamt fir Verfassigsschutz unter em Verdacht vun ere rächtsextremistische Bsträbig ufgfiert un bschaut wore. Anne 2006 isch nimmi d Gsamtbartei, nume no ainzelni Chreft in ihre as rächtsextrem gfiert wore. Syter anne 2007 wäre d Republikaner nimi im Verfassigsschutzbricht ufgfiert.
Anne 1985 isch dr Franz Schönhuber as Noofolger vum Franz Handlos Barteivorsitzende wore un het d REP noch em Vorbild vum franzesische Front National no rächts welle rucke. Im Johr 1989 hän d REP mit je iber 7 Brozänt vu dr Stimme in s Europabarlemänt un s Berliner Abgordnetehuus chenne yyzie, die Erfolg aber nimi chenne widerhole. Vu 1992 bis 2001 sin d REP im Landdag vu Bade-Wirttebärg verdrätte gsii.
Vu 1994 bis 2014 isch dr Rolf Schlierer Barteivorsitzende gsi. Unter ihm het sich d Bartei vu rächtsextreme Tendänze abgsetzt un het unter anderem gegeniber rächtsextreme Barteie wie dr NPD an Bedytig verlore. Si isch zurzyt nume no in kommunale Barlemänt verdrätte.
© MMXXIII Rich X Search. We shall prevail. All rights reserved. Rich X Search